विराटनगर । धनकुटामा नेकपा एमालेको महाधिवेशन प्रतिनिधि चयनमा विवाद भएपछि मतपत्र नै च्यातिएको छ ।
प्रतिनिधि चयन प्रकृयामा एकलौटी गरिएको भन्दै असन्तुुष्ट समुहले मतपत्र च्यात्नुका साथै निर्वाचन बुथ पनि तोडफोड गरिएको छ । असन्तुष्ट बनेको समुहले तोडफोड पछि तालाबन्दी गर्दै निर्वाचन बहिष्कार गरेको छ ।
एमालेको महाधिवेशनमा प्रतिनिधि छनौट सर्व सम्मत नभएका ठाँउमा आज निर्वाचन हुँदैछ ।
धनकुटामा राजेन्द्र राई र इन्द्रमणी पराजुली पक्ष गरेर २ वटा समूह रहेको छ । इन्द्रमणी समूहले मतदातालाई थाहा नै नदिइ एकलौटी हिसावले निर्वाचन गराएको आरोप लगाएको छ ।
पराजुलीले राई पक्षले आफूहरुलाई थाहा नदिई एकलौटी आफू निकटका निर्वाचन अधिकृत तोकेको आरोप लगाए ।
उनले भने,‘पार्टी कार्यालय निर्वाचन केन्द्रमा फर्जी मत हालेको भेटिएपछि विरोध स्वरुप मत पेटिका फालिएको छ । हामीले तालाबन्दी समेत गरेका छौँ ।’
धनकुटामा लामो समयदेखि राजेन्द्र राई पक्षधरको वर्चस्व रहदै आएको छ। धनकुटामा हिजो साँझ ९/४ को सहमति भएको पराजुलीले बताए । उनका अनुसार ९ जना राई पक्ष बाट र ४ जना इतर समूहबाट प्रतिनिधि पठाउने सहमति भएको थियो ।
सहमति अनुसार ४ जना बाहेकले मनोनयन फिर्ता लिएपछि आज बिहानबाट निर्वाचन प्रक्रिया शुरु भएको पराजुलीले दावी गरे ।
राजेन्द्र राईले भने सर्वसम्मत प्रतिनिधि छनौट हुन नसकेपछि निर्वाचन प्रक्रिया शुरु भएको बताए । उनले पराजय हुने निश्चित भएपछि अराजकता मच्चाएको बताए ।
