विराटनगर । विराटनगर जेसीजले यस वर्ष पनि सामाजिक, स्वास्थ्य, शैक्षिक तथा नेतृत्व विकासमुखी गतिविधिहरू समेट्दै ‘जेसीज सप्ताह २०२५’ आयोजना गर्ने भएको छ। कात्तिक १६ देखि २१ गतेसम्म सप्ताहव्यापी कार्यक्रम गर्न लागेको हो । यस अभियान अन्तर्गत विराटनगरका विभिन्न स्थानमा अर्थपूर्ण र प्रभावकारी कार्यक्रमहरू सञ्चालन गरिने भएको छ। कार्यक्रमको उद्घाटन नोभेम्बर २ (आइतबार) बिहान ७:३० बजे मैत्रीपूर्ण फुटसल प्रतियोगिता’बाट उद्घाटन हुनेछ। उद्घाटन कार्यक्रमको संयोजन सनराइज चौधरीले गर्ने छन्। त्यसपछि हरेक दिन फरक–फरक सामाजिक कार्यक्रमहरू सञ्चालन गरिने पत्रकार सम्मेलनमा जानकारी दिइएको थियो। जेसीज बाल सदन माध्यमिक विद्यालयमा दन्त परीक्षण, बाल सुधार गृह, विराटनगरमा मायाको कोसेली वितरण, विराट बहिरा माध्यमिक विद्यालयमा कला कार्यक्रम आयोजना हुने आयोजकले जनाएको छ।
