सुनसरी– स्थानीयको प्रतिकार पछि ठुलो आगजनी हुनबाट जोगिएको भाटभटेनी सुपर मार्केटको इटहरी शाखामा किनमेल सुरु भएको छ ।
जेनजी आन्दोलनको क्रममा आंशिक तोडफोड र चोरीबाट क्षति बेहोरेको इटहरी भाटभटेनीले सेवाग्राहीको आवश्यकतालाई मध्यनजर गर्दै शनिवारबाट विक्री सुरु गरेको हो ।
शनिवार दिउँसो २ बजेबाट नियमित रूपमा किनमेल सुरु भएको भाटभटेनी व्यवस्थापनले जनाएको छ ।
मङ्गलवार रातीसम्म आगलागीको प्रयास गरेका आन्दोलनकारीबाट स्थानीयले भाटभटेनीलाई जोगाएका थिए ।
स्थानीयलाई धन्यवाद दिँदै भाटभटेनीले सेवाग्राहीलाई सेवा लिनको लागि अनुरोध गरेको छ ।
कोसी प्रदेशमा रहेका पाँच वटा शाखा मध्ये इटहरी मात्र सुचारु भएको छ ।
दमक, बिर्तामोड, धरान र विराटनगरमा आगलागी भएको कारण अझै केही महिना पछि मात्र सञ्चालनमा आउने बताइएको छ ।