सुनसरी । हाम्रो धरान भेट्रान क्लब इटहरीको छैटौँ संस्करणको अन्तर्राष्ट्रिय आमन्त्रण इटहरी भेट्रान गोल्डकप फुटबल प्रतियोगिताको सेमिफाइनलमा पुगेको छ ।
इटहरीस्थित जनता बहुमुखी क्याम्पसको खेलमैदानमा बुधबार भएको खेलमा बर्मिक नाम्फिङ भेट्रान क्लब सिक्किम लाई ट्राइबिकरमा ३ गोल अन्तरले पराजित गर्दै धरान सेमिफाइनलमा पुगेको हो ।
धरानको तर्फबाट खेलको दोस्रो हाफको १४ मिनेटमा जर्सी नम्बर ९ का पदम राईले गोल गरेका थिए । त्यस्तै सिक्किमकातर्फ बाट १८ औँ मिनेटमा कर्मा सान्दिप भुटियाले गोल गर्दै खेललाई बराबरी बनाए । दुबै तर्फ बाट निर्धारित समयमा थप गोल हुन नसक्दा खेल पेनाल्टी सुटमा गएको थियो ।
पेनाल्टी सुटमा धरानले सिक्किम लाई ३ । १ ले पराजित गर्यो । पेनाल्टीमा धरानका गोल रक्षक नायक बने उनले सिक्किमका ३ खेलाडीको प्रहार रोकेका थिए । बिहिवार देखि सेमिफाइनल खेल शुरु हुनेछ । सेमिफाइनको खेलमा हाम्रो इटहरी भेट्रान र दमक भेट्रान क्लब फाइनल पुुग्न भिड्नेछन् ।
चैत २८ गतेसम्म चल्ने प्रतियोगितामा एक भारतीय सहित ८ वटा टोलीको सहभागिता रहेको छ । प्रतियोगिताको विजेताले १ लाख १ हजार र उपविजेताले ५१ हजार रुपैयाँसहित ट्रफी हात पार्नेछ ।
विधागततर्फ उत्कृष्ट हुने खेलाडीलाई जनही २ हजार ५ सय रुपैयाँ पुरस्कार प्रदान गरिने आयोजकले जनाएको छ ।
_1775364846.jpeg)
